04/12/2011- 九龍灣鴻星

記得跟Jason同Angela見面時傾談得非常開心,
因為他們跟我分享七年多的愛情路,
縱使多次要分隔兩地,
但完全無影響感情,
這才是真愛嘛!
有經歷才會珍惜,
這句話我非常認同啊!
加上兩人性格相似,
互相都會有驚喜送給對方,
感情就是這樣維繫,
有些人總會覺得已拍拖太耐了,
老夫老婦了,
但有時其中一方偶然準備些少禮物送給對方,
都會給到另一半窩心的感覺,
並不需要時刻有大驚喜,
相信這便是一對新人的相處方式了!

03/12/2011-粵海酒店-皇庭

由於23/11客人是阿may既同事, 原先他們都是選同一系列既game, 但為了想令同一班來飲宴既同事多些新鮮感, 便改玩了另一個我們仍在構思從未公開過既遊戲, 加上阿may既意見, 將遊戲玩法改良了, 新郎可以近距離同來賓一齊玩, 估唔個新game反應極好, 但呢個game 要付出既就係較多既利是, 今晚一對新人派利是絕不手軟, 玩了兩個game, 竟然派了過百封利是, 當然個個都開心都痺啦….

 

今晚主持註冊儀式既係Anthony既老婆鄭律師, 佢見親我哋出現都係chui & yan , 點知今晚見到男mc 阿lex , 還以為我已經同阿yan拆咗夥, 我同佢講有時客人喜歡一男一女, 或者其中一個mc無期先至會轉partner, 家陣我哋三個mc 係鐡三角來的, 試過有客人成40圍, 請哂我們三個咖!

25/11/2011 - 皇潮匯

真的很巧合,
今個月已經是第三次跟之前的客人見面,
今晚的新娘Gloria,
上年在好朋友Jojo的大婚日擔任姊妹,
我對她的印象亦算深刻,
因為她的樣子頗吸引,
加上我覺得她有點像一位藝人
(是主持都市閒情的劉彩玉-希望沒有記錯名字吧!)
但想不到第一眼見新郎Anthony,
也覺得他很像Solar
這對金童玉女非常登對啊!
兩人都有標緻的面孔,
所以他們的婚紗相都選擇走型的路線,
兩位都很chok很型,
絕對不是人人都做到啊!

見到Jojo腹大便便, 
預產期亦將近,
祝願BB快高長大!
Gloria & Anthony你們都要努力啊!

23/11/2011 - 鑽石山聯邦

這晚男女兩家人都是首次辦婚事，
我一直以來都是同新郎妹妹Ida聯絡，
所以很多流程妹妹都很清楚，
亦看得出他們一定關係非常和睦，
相信經過哥哥今次呢個婚禮之後，
妹妹將來辦婚禮亦幫助不少！

在拍照期間突然有位伯伯走上前同我握手，

問我記唔記得佢係邊個, 然後就話我個女上年結婚都係你做司儀的, 說真的, 每次服務過既新人，
就算係幾年前亦都會記得，
但其他親友就真係…….但很感激世伯仍記得我，
到玩團體遊戲時亦非常主動走上台，
相信是因為今晚他不用肩負著主人家既名義，
所以玩得特別投入吧！

新郎有位同事亦坐於席上，
她將會是我們03/12的客人，
即03/12又有機會見到新郎，
正如我們做ending時提及到 “希望有緣再見”…..有緣真的會再見架

20/11/2011 - 九展煌府

一到現場看到四周的佈置,
便知Wing & Dickson這對新人用了很多心思跟時間在這個婚禮上,Q版公仔跟他們很像啊, 哈哈!

今晚既客人大部份是一對新人既朋友…剩係公司同事也有成五圍, 影大合照時都要分部門才影到, 訪問客人分別有幾位大老闆, 他們都用非常勤力加上得力助手來形客他們, 眼見他們成晚非常淡定, 不慌不亂, 給我們的影相名單亦非常齊備, 加上一個婚禮有接近三份一客人是同事, 相信除了工作外, 人緣一定亦非常好呢!