19/02/2012 - 九龍行金都國宴

值得一提的是.......新郎當年追查新娘時,
只是靠一個短訊,
情節聽起來有點老土,
一個承諾一世兌現, 
但卻很感人啊!

未到場前已經知道新娘Kathy花了很多很多心思在婚宴上,
無論是邀請咭, 地圖, 成長片段, 座位表, 花車公仔,
甚至是花球等等,
都是Kathy一手包辦,
到場看到後真的要寫"佩服"兩字,
佩服她的技術,
佩服她的心思!

當晚賓客們玩得非常投入同開心,
非常感謝Kathy & Yuet send回當晚的相片給我們,
看到相片又令我們回憶起當晚的開心

18/02/2012 - Harbour Grand Hong Kong

開會時當知道兩位是專業xx師時,已估計得到他們一定對各方面會有一定要求,日常工作每part也要跟進得很仔細, 不容有失,
time management 亦十分重要, 輪到自己婚禮更加是希望一絲不苟

當晚一到場, 見倒新郎Gerry很凝重地跟兄弟姊妹在開會, 還以為發生了什麼事, 原來是因為新郎在擔心緊6:30仍有大部份賓客未到, 不知是否會影響一早plan 好既rundown, 呢種場面我哋真的見慣不怪, 就算7:30都只有3成都試過啦…哈哈! 呢一刻當然由我哋兩位專業司儀同佢講: “ 放心吧, 開席前未飲既茶同未影既相, 開席後都可以補咖, 今晚就交俾我哋幫你time management啦!”

最難得是班兄弟姊妹成晚都無鬆懈過, 一見我想叫人, 即刻衝前過來幫我找, 還經常提醒我, 佢今天負責既崗位是幫我找賓客, 若有什麼人找不到即刻俾手勢佢, 佢會留意住我的,
Wow….真的很厲害, 我一個眼神佢哋已經知我要什麼,
 初時還以為他們一定是新人既同事, 點知一問之下, 原來係識了多年既同學仔, 正所謂見其友便知其人，
相信大家都會認為Rachel絕對嫁啱人啦！

16/02/2012-天澄閣

Dickson同Helen由F.1 便已認識, 都可算是一對結束愛情長, 長, 長…跑的表表者! 每次見到一對對新人的誕生, 總覺得緣份是要好好把握及珍惜。能夠維持住一段咁長時間既關係, 最後選擇結婚, 呢段關係一定係得到很多既認同, 亦都有著很多很多的經歷! 正可能是他倆彼此之間深厚的信任及對對方坦誠的愛, 這一切一定經歷了不短時間去建立。 每次擔任完婚禮司儀後, 往往都有著同一種感覺, 就是愛必須要包容, 特別是當新人感激家人既一刻, 只要有愛任何事也可,這種奇妙及愉快的感覺再一次在這晚出現。

12/02/2012 - 觀塘聘珍樓

一封1998年新娘Sammie寫給新郎的第一封情信,  Thomas 於今晚親口回覆她, 唔知當新娘望住projector 出現打信既一幕, 會唔會真係記得呢封十五年前既信呢! 原來男仕真的好得意, 有時你以為佢唔緊唔緊, 但其實有好多野佢哋係擺係個心度既……呢個surprise 真係好獨一無二呀

所以有時新郎問我有什麼surprise係特別令新娘感動, 我通常都會話佢哋知, 呢個係婚禮唔係一個show,即使食炭跳火圈都未必會令新娘感動, 反而你用心去做一樣屬於你哋既野, 就算係唱一首歌, 講幾句你地自己心底既承諾都係會好感動, 好sweet …….